Yuxarı

​“Bank Standard”a yeni baş direktor təyin olunub

3 avqustdan “Bank Standard” fəaliyyətini biznes strategiyasına uyğun qaydada tam həcmdə bərpa edəcək

Bakı. 12 iyul. REPORT.AZ/ “Bank Standard”ın müvəqqəti inzibatçısı tərəfindən Xalid Əhədov banka baş direktor təyin olunub. 

"Report"un Maliyyə Bazarlarına Nəzarət Palatasına istinadən verdiyi xəbərə görə, artıq Xalid Əhədov “Bank Standard”ın kollektivinə təqdim edilib.

X.Əhədov 2002-ci ildən bank sektorunda fəaliyyətə başlayıb, “Bank of Baku” və “Unibank”-da rəhbər vəzifələrdə çalışıb.

Qeyd edək ki, ”Bank Standard” KB-da yaranmış maliyyə problemlərin tənzimlənməsi məqsədilə Maliyyə Bazarlarına Nəzarət Palatası (MBNP) tərəfindən mayın 3-dən etibarən banka 3 ay müddətinə müvəqqəti inzibatçı təyin edilib, kritik likvidlik çatışmazlığı ilə əlaqədar sosial xarakterli ödənişlər istisna olmaqla bankın digər öhdəliklərinin ödənişinə 4 iyul 2016-cı il tarixinədək moratorium tətbiq olunub.

Bankın sistem əhəmiyyətini nəzərə alaraq, 4 iyul 2016-cı ildə onun səhmlərinin nəzarət zərfi dövlətə məxsus olan “Azər-Türk Bank” ASC vasıtəsilə sanasiya edilməsi haqqında qərar qəbul olunub.

Sanasiya proqramı çərçivəsində, X.Əhədov bankın İdarə Heyətinin sədri səlahiyyətlərini icra edəcək. Avqustun 3-də “Bank Standard” KB-nin idarəetmə orqanlarını formalaşdıracaq və həmin tarixdən bank fəaliyyətini biznes strategiyasına uyğun qaydada tam həcmdə bərpa edəcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi