Elman Rüstəmov: “Bank sektoru prezidentin son fərmanından ikiqat qazanacaq”

Bakı. 1 mart. REPORT.AZ/ Azərbaycanda fiziki şəxslərin problemli kreditlərlə bağlı məsələsinin həll edilməsi həm də ölkənin bank sektoruna dəstəkdir. Sektor Prezidentin son fərmanından ikiqat qazanacaq”.

“Report” xəbər verir ki, bunu Azərbaycan Mərkəzi Bankının sədri Elman Rüstəmov "Real TV"də bildirib.

“Bir tərəfdən banklar sağlamlaşacaq, xüsusilə kapital baxımından ciddi dəstək alacaqlar, aktivlərindəki problemli hissəsini azaldacaqlar, digər tərəfdən, onlar uzunmüddətli kreditləşmə üçün ucuz maliyyə resursları əldə edəcəklər”, - deyə o qeyd edib.