Yuxarı
    Bağlamaq

    ​"Bank Respublika" regional filiallarını bağlayır

    Şəki, İmişli və Göyçay filiallarının müştərilər qarşısındakı öhdəlikləri qonşu rayonlardakı filiallarda icra olunacaq

    Bakı. 8 yanvar. REPORT.AZ/ Xidmət şəbəkəsində effektivliyin artırılması məqsədilə 1 fevral 2016-cı il tarixindən etibarən "Bank Respublika" ASC Şəki, İmişli və Göyçay filiallarının fəaliyyətini dayandırır. 

    Bu barədə "Report"a Bankın mətbuat xidmətindən məlumat verilib: "Ölkənin maliyyə sistemində yaranmış vəziyyəti həmçinin qeyd olunan filialların rentabellik və potensial baxımından aşağı səviyyədə olmasını nəzərə alaraq, Bank onların bağlanması haqqında qərar verib".

    Məlumata görə, bununla yanaşı, Şəki, İmişli və Göyçay filiallarının müştərilər qarşısındakı öhdəlikləri (əmanətlər, kreditlər, plastik kartlar, hesablar və digər bank xidmətləri) aşağıdakı qaydada yerinə yetiriləcək:

    İmişli filialı – Şirvan filialı (Şirvan şəhəri, 20 Yanvar küç,26А; tel. (+994 21) 215 66 88);

    Şəki filialı - Qax filialı (Qax ş., İ.Mustafayev küç,3; tel. (+994 24) 255 52 20);

    Göyçay filialı – Yevlax filialı (Yevlax ş, H.Əliyev pr,12; tel. (+994 22) 336 23 42, (+994 22) 336 23 47).

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi