Yuxarı
    Bağlamaq

    "​Bank of Baku"ya yeni sədr təyin olunub

    Abbas İbrahimov mayın 1-dən səlahiyyətlərinin icrasına başlayacaq

    Bakı. 30 aprel. REPORT.AZ/ "Bank of Baku" ASC-nin Müşahidə Şurasının iclasında Bankın İdarə Heyətinin yeni sədri vəzifəsinə Abbas İbrahimovun təyin edilməsi qərara alınıb. Bu barədə "Report"a Bankın baş ofisindən məlumat verilib.

    "A.İbrahimov mayın 1-dən etibarən yeni səlahiyyətlərinin icrasına başlayacaq. "Bank of Baku"nun fəaliyyətində əvəzsiz əməyi olan eks-sədr Fərid Hüseynov tutduğu vəzifədən öz xahişi əsasında azad edilib və peşəkar fəaliyyətinə digər maliyyə qurumda davam edəcək", - deyə Bankdan bildirilib.

    Qeyd edək ki, A.İbrahimov 1999-2003-cü illərdə Türkiyənin Ankara Universitetində iş iqtisadiyyatı ixtisası üzrə bakalavr dərəcəsini, 2003-2005-ci illərdə isə İstanbul Texniki Universitetində biznes inzibatçılığı üzrə magistr dərəcəsi alıb. Bankdakı iş fəaliyyətinə 2005-ci ildə başlayan A.İbrahimov, bir müddət sonra şöbə müdiri, daha sonra isə departament direktoru vəzifəsinə qədər yüksəlib. 2010-cu ildə isə "Bank of Baku"nun İdarə Heyəti sədrinin müavini, pərakəndə sahə üzrə İdarə Heyətinin üzvü vəzifəsinə təyin edilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi