Bakı. 13 oktyabr. REPORT.AZ/ "Bank Melli İran"ın Bakı filialının aktivləri illik müqayisədə 5,3% artaraq 2017-ci il oktyabrın 1-nə 93 669 547 manata çatıb. Müştərilərə verilən kreditlərin həcmi isə illik 57% azalaraq 3 625 690 manata enib.
“Report” bu barədə Bankın maliyyə hesabatına istinadən xəbər verir.
Bankın öhdəlikləri ötən ilin eyni dövrü ilə müqayisədə 43% azalaraq 30 224 423 manata düşüb. Müştəri hesabları illik 8,4% artaraq 2 732 314 manat olub. Maliyyə institutları qarşısında öhdəliklərdə isə kəskin azalma qeydə alınıb - bu göstərici 47% azalaraq 26 898 478 manat təşkil edib.
Hesabat dövründə nizamnamə kapitalı 43% artaraq oktyabrın 1-nə 73 611 171 manata, cəmi kapitalı 77% artaraq 63 445 124 manata yüksəlib.
Bank cari ilin yanvar-sentyabr ayları ərzində 1 334 723 manat xalis mənfəət əldə edib. Ötən ilin eyni dövründə bu göstərici -15 375 277 manat (zərər) olub.