Yuxarı
    Bağlamaq

    "Bank BTB"-nin rəhbərliyi dəyişir

    Bankın İdarə Heyətinin sədri işdən çıxıb

    Bakı. 31 yanvar. REPORT.AZ/ “Bank BTB” ASC-nin İdarə Heyətinin (İH) sədri Samir Qocayev işdən çıxıb. Bu barədə “Report”a Bankdan bildirilib.

    Məlumata görə, onun yerinə təyinat olsa da, yeni sədrin adı Maliyyə Bazarlarına Nəzarət Palatası ilə razılaşdırıldıqdan sonra açıqlanacaq. Hazırda “Bank BTB”-yə müvəqqəti olaraq İH-nin sədr müavini Rüfət Abbasov rəhbərlik edir.

    İH ilə yanaşı, Bankın Müşahidə Şurasında və Audit Komitəsində də dəyişikliklərin olduğu bildirilir. Qeyd edək ki, yanvarın 27-də "Bank BTB"-nin səhmdarlarının növbədənkənar ümumi yığıncağı keçirilib. Yığıncaqda kredit təşkilatının idarəetmə orqanları ilə bağlı məsələlər müzakirə predmeti olub. Rəhbər şəxslərlə bağlı qərarların da həmin toplantıda qəbul edildiyi deyilir.

    Xatırladaq ki, “Bank BTB” 2010-cu ildə yaradılıb. Onun nizamnamə kapitalı 52 mln. manatdır. Bankın səhmlərinin 75%-i Nigar İsmayıl qızı Mehdiyevaya, 19%-i Rza İsmayıl oğlu Sadiqə (Müşahidə Şurasının sədri), 6%-i isə Tükəzban Ağa qızı Mahmudovaya məxsusdur.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi