Bakı. 11 iyun. REPORT.AZ/ “AtaBank” ASC Bakı Metropoliteninin stansiyalarında yeni tipli bankomatlar yerləşdirir. Yeni bankomatlar artıq “Elmlər Akademiyası”, “Qara Qarayev” və “Əhmədli” metro stansiyalarında quraşdırılaraq müştərilərin ixtiyarına verilib.
"Report"un Banka istinadən verdiyi xəbərə görə, hazırda Bankın fəaliyyət göstərən ATM-lərinin sayı 85 ədəd təşkil edir. Onlardan 3-ü səyyar - “AtaMatik” bankomatları Şəmkir, Qazax, Tovuz, İsmayıllı, Mingəçevir və Gədəbəy rayonlarının ucqar kəndlərində müştərilərin xidmətindədir.
Qeyd edək ki, 1993-cü ildən fəaliyyət göstərən "AtaBank"ın Bakıda və ölkənin müxtəlif regionlarında 26 filial və şöbəsi fəaliyyət göstərir. Bank korporativ və fərdi müştərilərə tam xidmətlər spektorunu təqdim edir.