Yuxarı
    Bağlamaq

    Bakıda nağd valyutaya tələbat artıb

    Alış-satış əməliyyatları rəsmi məzənnədən 0,4% yüksək qiymətlə aparılır

    Bakı. 18 dekabr. REPORT.AZ/ Bu gün Bakı şəhərinin mərkəzi hissəsində yerləşən valyuta mübadiləsi məntəqələrində nisbi alıcı artımı müşahidə olunur. "Report"un apardığı monitorinq nəticəsində müəyyənləşib ki, hazırda valyutadəyişmə məntəqələrində ABŞ dolları müştərilərdən təxminən 1,0540 AZN/USD məzənnəsi ilə alınır və 1,0560 AZN/USD-yə satılır. 

    Qeyd edək ki, Azərbaycan Mərkəzi Bankının (AMB) bu günə müəyyənləşdirdiyi rəsmi məzənnə 1,0499 AZN/USD-yə bərabərdir. Yəni, paytaxtın nağd valyuta bazarında dollar üzrə alış-satış əməliyyatları rəsmi məzənnədən təxminən 0,4% yüksək qiymətlə aparılır. Alıcıların üstünlük təşkil etdiyi valyuta məntəqələrində müştərilər əsasən 1-10 min dollar məbləğində nağd dollar kütləsi alır. Valyutadəyişmə məntəqələrindən verilən məlumata görə, dollara tələbin ilin sonuna qədər davam etməsi gözlənilir. Bununla yanaşı qeyd olunub ki, kommersiya banklarının valyutaya tələbatı Mərkəzi Bank tərəfindən tam qarşılanır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi