Bakı. 18 sentyabr. REPORT.AZ / Cari ilin yanvar-avqust aylarında Azərbaycanda bütün maliyyə mənbələrindən əsas kapitala sərmayə qoyuluşu toplam olaraq 10,45 mlrd. manat təşkil edib.
Dövlət Statistika Komitəsindən "Report"a verilən məlumata görə, 2013-cü ilin eyni dövrü ilə müqayisədə əsas kapitala sərmayə yatırımı 0,5% artıb. Sərmayənin ümumi həcmindən 70,4% və ya 7,35 mlrd. manat daxili maliyyələşdirmə mənbələrinin payına düşüb. Öz növbəsində, bunun 65,5%-ni dövlət sərmayələri, 34,5%-ni özəl sərmayələr təşkil edib.
Qiymətləndirilən dövr ərzində xarici sərmayələrin həcmi 3,09 mlrd. manat təşkil edib.
Qeyd edək ki, 2013-cü ildə Azərbaycanda bütün maliyyə mənbələrindən əsas kapitala sərmayələr 17,9 mlrd. manat təşkil edib, bu isə əvvəlki ilin eyni göstəricisindən 15,1% çoxdur.