"Azersun Holding" IPO-ya hazırlaşır

Bakı. 7 oktyabr. REPORT.AZ/ "Azersun Holding" səhmlərinin IPO yerləşdirilməsini həyata keçirmək fikrindədir. 

"Report" xəbər verir ki, bunu jurnalistlərə açıqlamasında "Azersun Holding"in prezidenti Abdulbari Goozal deyib.

Onun sözlərinə görə, ilk IPO şəkər zavodunun səhmləri üzrə həyata keçiriləcək: "Mən hökumətə təklif etdim ki, mənim səhmdarlarımı qoruyun və ilk olaraq şəkər zavodu, sonra isə digər şirkətlərlə yerli və dünya bazarında IPO edək. Təxminən səhmlərin 40-50%-ni IPO-ya cəlb edə bilərik".