Yuxarı
    Bağlamaq

    Azərbaycanın AIIB-dəki səsvermə hüququ azalıb

    Bu, Filippin, İran və Portuqaliyanın AIIB-ə üzvlüyünün ratifikasiyası ilə bağlıdır

    Bakı. 15 fevral. REPORT.AZ/ Azərbaycanın Asiya İnfrastruktur İnvestisiya Bankındakı (AIIB) iştirak payı 0,0081 faiz bəndi azalaraq 0,2763%-ə düşüb.

    “Report”un AIIB-ə istinadən verdiyi xəbərə görə, bu, Filippin, İran və Portuqaliyanın AIIB-ə üzvlüyünün ratifikasiyası ilə əlaqədardır.

    Məlumata görə, rəsmi Bakının AIIB-də səsvermə hüququ da 74 səs yaxud 0,0229 faiz bəndi azalıb. Hazırda Azərbaycanın səsvermə hüququ 5 635 səs yaxud 0,5215% həddindədir.

    Azərbaycanın Bankda nominal ifadədə iştirak payı dəyişməyib və hazırda da 254,1 mln. ABŞ dolları səviyyəsindədir.

    Qeyd edək ki, Filippinin AIIB-ə üzvlüyü ötən il dekabrın 28-də, İranın üzvlüyü bu il yanvarın 16-da, Portuqaliyanın üzvlüyü isə fevralın 8-də ratifikasiya edilib.

    Xatırladaq ki, 2015-ci il iyunun 29-da Pekində 57 ölkə AIIB-in yaradılması üçün müqavilə imzalayıb. Azərbaycan tərəfindən bu müqaviləni maliyyə naziri Samir Şərifov imzalayıb. Rəsmi Bakının üzvlüyü isə 2016-cı il iyunun 24-də ratifikasiya edilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi