Yuxarı
    Bağlamaq

    Azərbaycandakı səhmdar cəmiyyətlərdən biri ləğv olunur

    Söhbət Zaqatala Məişət Tikinti QSC-dən gedir

    Bakı. 2 may. REPORT.AZ/ İyunun 21-də, saat 16:00-da “Zaqatala Məişət Tikinti” QSC-nin səhmdarlarının növbəti yığıncağı keçiriləcək.

    “Report” xəbər verir ki, bu barədə rəsmi mətbuatda məlumat verilib.

    Məlumatda deyilir ki, yığıncaq Cəmiyyətin yerləşdiyi Zaqatala rayonunun Yuxarı Tala kəndində olacaq.

    Yığıncağın gündəliyinə müəssisənin 2016-cı ildəki fəaliyyətinin yekunlarına dair İdarə Heyətinin, Təftiş Komissiyasının illik hesabatının dinlənilməsi, balansının təsdiq edilməsi, mənfəətinin bölüşdürülməsi, audit yoxlamasının aparılması, Cəmiyyətin 2017-ci ildəki fəaliyyət proqramına baxılması, torpaq sahəsinin özəlləşdirilməsi, eləcə də müəssisənin ləğv olunması və bununla əlaqədar ləğvetmə komissiyasının yaradılması üçün müvafiq orqanlara müraciət edilməsi məsələləri daxildir.

    Xatırladaq ki, “Zaqatala Məişət Tikinti” QSC 1999-cu ildə yaradılıb. Onun nizamnamə kapitalı 48 856 manatdır. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi