Yuxarı

​Azərbaycanda xidmətlər indeksi kəskin azalıb

Reportun analitik qrupu: İndeksin 100%-dən aşağı düşməsi hesabat ayında əhaliyə göstərilən xidmətlərin həcminin azalmasından xəbər verir

Bakı. 19 noyabr. REPORT.AZ/ Azərbaycanda əhaliyə göstərilən pullu xidmətlər indeksi 2014-cü ilin oktyabr ayı üzrə 99,6% təşkil edib. “Report”un Dövlət Statistika Komitəsinin məlumatları əsasında apardığı hesablamalara görə, bu göstərici sentyabr ayı ilə müqayisədə 10,6 faiz bəndi azalıb.

"Report"un analitik qrupu qeyd edir ki, indeks azalaraq 100%-dən aşağı səviyyəyə düşüb, bu isə hesabat ayı ərzində əhaliyə göstərilən xidmətlərin həcminin əvvəlki ayla müqayisədə azalmasından xəbər verir.

Qeyd edək ki, oktyabr ayında əhaliyə 641,7 mln. manat həcmində pullu xidmətlər göstərilib, sentyabrda isə bu həcm 644,2 mln. manat təşkil edib. Müqayisə üçün bildirək ki, avqust ayında bu göstərici 584,4 mln. manata bərabər olub. Ümumiyyətlə, bu ilin yanvar-oktyabr aylarında əhaliyə 5,403 mlrd. manat dəyərində pullu xidmətlər göstərilib ki, bu da illik müqayisədə 6,6% çoxdur.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi