Yuxarı
    Bağlamaq

    Azərbaycanda xarici valyutada əmanətlər üzrə gəlirlilik 5-illik minimuma düşüb

    Fiziki şəxslərə verilən əmanətlərin gəlirliyi manatda 9,66%, xarici valyutada 9,50% təşkil edib

    Bakı. 9 iyul. REPORT.AZ/ Azərbaycanın bank sektorunda manatla əmanət və depozitlərdə gəlirliyin azalması, xarici valyutada isə artması müşahidə olunur. May ayında manatla depozitlər 0,01% bəndi azalaraq cari il iyunun 1-nə illik 8,81%, xarici valyutada isə 0,07 faiz bəndi artaraq 8,38% təşkil edib.

    "Report"un Mərkəzi Banka istinadən verdiyi xəbərə görə, bu, manatla əmanət və depozitlər üzrə 2010-cu ildən indiyədək müşahidə olunan ən aşağı göstəricidir.

    Hüquqi şəxslərin manatda depoztləri üzrə gəlirlilik mayda 0,07 faiz bəndi artaraq 5,95%, xarici valyutada 0,1 faiz bəndi artaraq 4,03% olub.

    Hesabat ayında fiziki şəxslərə verilən əmanətlərin gəlirliyi manatda 0,08 faiz bəndi artaraq 9,66%, xarici valyutada 0,01 faiz bəndi azalaraq 9,50% təşkil edib. Hesabata əsasən, fiziki şəxslərin xarici valyuta ilə əmanətlərində son beş ilin minimumu qeydə alınıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi