Yuxarı
    Bağlamaq

    Azərbaycanda xarici dövlət borcunun ÜDM-ə nisbəti 20%-i keçib

    Oktyabrın 1-nə bu göstərici 7,651 mln. dollara çatıb

    Bakı. 25 noyabr. REPORT.AZ/ Azərbaycanın xarici dövlət borcunun həcmi 2016-cı il oktyabrın 1-nə olan vəziyyətə 7 650,7 mln. ABŞ dolları (12 402,6 mln. manat), borcun ÜDM-ə nisbəti isə 20,1% təşkil edib.

    "Report" Maliyyə Nazirliyinə istinadən xəbər verir ki, borca hökumətin birbaşa öhdəlikləri və dövlət zəmanətilə cəlb olunmuş kreditlər üzrə şərti öhdəliklər daxil edilib.

    Xarici dövlət borcu əsasən Dünya Bankı, Asiya İnkişaf Bankı, İslam İnkişaf Bankı, Avropa Yenidənqurma və İnkişaf Bankı, Yaponiya Beynəlxalq Əməkdaşlıq Agentliyi və digər beynəlxalq maliyyə qurumlarından ölkədə müxtəlif layihələrin maliyyələşməsinə, qalan hissəsi isə beynəlxalq maliyyə bazarlarından yerləşdirilmiş qiymətli kağızlar vasitəsilə cəlb olunub.

    Xatırladaq ki, Azərbaycanın xarici dövlət borcunun həcmi son 1 ildə 13,67% artıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi