Yuxarı
    Bağlamaq

    Azərbaycanda tikinti sahəsində işləyənlərin nominal əmək haqqı 18,6% artıb

    Qeyri-dövlət sektorunda işçilərin orta aylıq nominal əmək haqqı 927,8 manat olub

    Bakı. 15 fevral. REPORT.AZ/ Azərbaycanda tikinti sahəsində işləyənlərin orta aylıq nominal əmək haqqı əvvəlki ilə nisbətən 18,6% artaraq 813,7 manata çatıb. 

    "Report" Dövlət Statistika Komitəsinə istinadən bildirir ki, qeyri-dövlət sektorunda işçilərin orta aylıq nominal əmək haqqı 927,8 manat, dövlət sektorunda isə 527 manat olub. Ötən illə müqayisədə ixtisaslaşdırılmış tikinti işlərində işləyənlərin orta aylıq nominal əmək haqqı 21,6%, binaların tikintisində 14,9%, mülki təyinatlı inşaat işlərində çalışanların isə 0,9% artıb.

    Ötən ildə tikinti sahəsində muzdla çalışan işçilərin orta siyahı sayı 95,2 min nəfər təşkil edib, onların 48,2 min nəfəri binaların tikintisində, 24 min nəfəri mülki təyinatlı inşaat işlərində, 23 min nəfəri isə ixtisaslaşdırılmış tikinti işlərində çalışıb. İşçilərin 27%-i dövlət, 73-i isə qeyri-dövlət tikinti müəssisələrində məşğul olublar.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi