Azərbaycanda təhsil xərcləri 2%-dən çox artırılır

Bakı. 21 iyun. REPORT.AZ/ Bu ilin dövlət büdcəsində təhsil xərcləri 2,1% artırılaraq 2 043,99 mln. manata çatdırılacaq.

“Report” xəbər verir ki, bu, “2018-ci il dövlət büdcəsi haqqında” qanuna dəyişikliklərlə bağlı qanun layihəsində nəzərdə tutulub.

Artım təhsil sahəsində fəaliyyət göstərən digər müəssisələrə və tədbirlərə ayırmaların 42,012 mln. manat və yaxud 6,5% artırılaraq 670,776 mln. manat olması hesabına planlaşdırılır.