Yuxarı
    Bağlamaq

    Azərbaycanda siyasi partiyaların əksəriyyəti məcburi auditdən yayınır

    Auditdən keçmə faizi səhmdar və məhdud məsuliyyətli cəmiyyətlər üzrə də aşağıdır

    Bakı. 6 iyun. REPORT.AZ/ 2016-cı il üzrə Azərbaycanda 67 522 məcburi audit obyektindən 1 522-si (2,3%-i) auditdən keçib.

    "Report" bu barədə Auditorlar Palatasına istinadən xəbər verir.

    Məlumata görə, bu rəqəm 2015-ci ildə 1 770 və yaxud məcburi audit obyektlərinin 2,7%-i qədər olub. Başqa sözlə, auditdən keçən təsərrüfat subyektlərinin sayında 0,4% azalma olub. 

    Ötən il auditdən keçmə faizi səhmdar cəmiyyətləri üzrə 18,4%-dən 16,2%-ə, məhdud məsulliyətli cəmiyyətlər üzrə 1,2%-dən 0,8%-ə düşüb, bələdiyyələr üzrə isə 37,2%-dən 41,1%-ə qalxıb. Bu nisbət banklar və sığorta şirkətləri üzrə 100%, siyasi partiyalar üzrə 21,8% olub və dəyişməyib. 

    2016-cı il ərzində bağlanmış müqavilələr üzrə 47,706 mln. manatlıq 2 663 iş yerinə yetirilib. Yerinə yetirilmiş müqavilələrin məbləğinə görə xarici auditor təşkilatlarının filial və nümayəndəliklərinin (“Böyük dördlük”) payı 75,3%- dən 72,9%-ə qədər azalıb. Qeyd edək ki, hesabat dövründə təsərrüfat subyektləri ilə 56,862 mln. manatlıq 3 540 müqavilə bağlanıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi