Yuxarı
    Bağlamaq

    Azərbaycanda noyabrda icbari avtosığorta ilə bağlı 1 400-ə yaxın Yaşıl Kart müqaviləsi bağlanılıb

    Bu müqavilələr üzrə sığorta daxilolmaları 92 min manata yaxın olub

    Bakı. 1 dekabr. REPORT.AZ/ Azərbaycanda bu ilin noyabr ayında Yaşıl Kart sistemi çərçivəsində fəaliyyət göstərmək hüququ olan sığortaçı şirkətləri 1 367 beynəlxalq sığorta müqaviləsi bağlayıb. 

    Bu barədə “Report”a İcbari Sığorta Bürosundan bildirilib.

    Məlumata görə, müqavilələrdən 672-si Türkiyə və İrana, 644-ü Rusiya, Moldova və Ukraynaya, 51-i isə Yaşıl Kart sisteminə daxil olan digər ölkələrə səfər edən avtonəqliyyat vasitələri ilə bağlı olub.

    Noyabrda beynəlxalq sığorta müqavilələri üzrə toplanan sığorta haqqı 91 866 manat təşkil edib. Yaşıl Kart üzrə bağlanılan müqavilələrin 1 125-i minik, 133-ü yük, 98-i qoşqu, 11-i isə avtobus kateqoriyası üzrə olan nəqliyyat vasitələri ilə bağlı olub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi