Yuxarı
    Bağlamaq

    Azərbaycanda nağd pul kütləsinin həcmi artır

    Proqnoz: Nağd pul kütləsinin 6-6,5 mlrd. manat səviyyəsində sabitləşəcəyi gözlənilir

    Bakı. 11 yanvar. REPORT.AZ/ Azərbaycanda dövriyyədə olan nağd pul kütləsinin həcmi 2016-cı il dekabr ayının 1-nə 6 332,9 mln. manat təşkil edib. "Report" Azərbaycan Mərkəzi Bankına (AMB) istinadən xəbər verir ki, dövriyyədə olan nağd pul kütləsinin həcmi ardıcıl olaraq iki ay artım göstərib. Belə ki, oktyabrda artım 96,9 mln. manat və ya 1,56%, noyabrda isə 41,3 mln.manat və ya 0,66% təşkil edib. Ötən ilin əvvəli ilə müqayisədə nağd pulun həcmi 915,4 mln. manat və ya 16,9% artıb. Əvvəlki ilin analoji dövrü ilə müqayisədə isə dövriyyədə olan nağd pulların həcmi 594,1 mln. manat və ya 10,35% artım göstərib.

    Qeyd edək ki, dövriyyədə olan nağd pulların Azərbaycanda maksimal həddi 2014-cü ilin iyul ayında (11 144,4 mln. manat) qeydə alınıb. Yəni, 2016-cı il dekabrın 1-də açıqlanan göstərici tarixi maksimal həddən 4 811,5 mln. manat və ya 43,17% aşağıdır.

    "Report"un analitik qrupu hesab edir ki,  AMB hazırkı iqtisadi konyunkturada valyutaya tələb yaradan və əlavə hesab etdiyi nağd pulun bir hissəsini bazardan absorbasiyası və bununla yanaşı, qiymətli kağızlar bazarında istiqraz satışı vasitəsilə dövriyyədə olan nağd pul kütləsinin 6-6,5 mlrd. manat səviyyəsində sabitləşməsinə çalışacağı gözlənilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi