Yuxarı

​Azərbaycanda milli valyutanın devalvasiyası nəticəsində lari qiymətdən düşüb

Gürcüstan Milli Bankı larinin məzənnəsini qorumaq üçün valyuta satır

Bakı. 25 dekabr. REPORT.AZ/ Gürcüstan Milli Bankı (GMB) dekabrın 24-də baş tutan valyuta hərracında 20 milyon dollar satıb.

"Report" "Sputnik-Georgia"ya istinadən xəbər verir ki, GMB prezidenti Georgi Kadaqidzenin sözlərinə görə, rəhbəri olduğu qurum 2015-ci il sentyabrın sonlarından, yəni larinin məzənnəsi 1 ABŞ dollarına qarşı 2,4499 GEL olduğu vaxtdan, onun məzənnəsinin stabilləşdirilməsi üçün daha aqressiv siyasət aparmağa başlayıb.

Milli Bank 4 valyuta hərracı nəticəsində artıq təqribən 87 mln. dollar satıb. Son bir həftə ərzində lari 0,5% dəyərdən düşüb ki, bunu da Azərbaycanda milli valyutanın devalvasiyası ilə əlaqələndirirlər.

Bugünkü valyuta hərracında larinin ABŞ dollarına nisbətdə orta hesablanmış məzənnəsi 2,4012 GEL/1 dollar təşkil edib.

Gürcüstan Milli Bankı dekabrın 25-i üçün larinin ABŞ dollarına nisbətdə rəsmi mübadilə məzənnəsini 2,4023 GEL/1 dollar həcmində müəyyən edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi