Azərbaycanda maliyyə bazarlarına nəzarətlə bağlı qanun hazırlanıb

Bakı. 21 oktyabr. REPORT.AZ/ Azərbaycanda maliyyə bazarlarının tənzimlənməsi və nəzarəti ilə bağlı hazırlanan qanun layihəsi artıq hökumət səviyyəsində müzakirə olunur. "Report"un verdiyi xəbərə görə, bu barədə Maliyyə Bazarlarına Nəzarət Palatası (MBNP) Direktorlar Şurasının sədri Rüfət Aslanlı məlumat verib.

"Ümid edirəm ki, bu məsələni parlamentin növbəti sessiyasında müzakirə edəcəyik", - deyə R.Aslanlı qeyd edib.

Bununla yanaşı, problemli aktivlərin idarə edilməsinin institusionallaşdırılması məsələsi artıq bir müddətdir ki, hökumətdə müzakirə olunur: "Prezidentə də məruzə olunub. Hazırda Maliyyə Sabitliyi Şurasında bu məsələnin institusionallaşmasının forması üzərində iş gedir. Yəqin ki, bu günlərdə bununla bağlı qərar olacaq".