Yuxarı
    Bağlamaq

    Azərbaycanda listinqdən keçmiş emitentlərin elektron məlumat bazası yaradılıb

    BFB-nin yeni internet saytı ictimaiyyətə təqdim olunub

    Bakı. 16 noyabr. REPORT.AZ/ Bakı Fond Birjası (BFB) 15 illiyi ilə əlaqədar istifadəçilərə və investorlara yeni xidmətlər təklif etmək və BFB-nin fəaliyyəti barədə məlumatların geniş və ətraflı şəkildə cəmiyyətə çatdırılması məqsədilə korporativ internet səhifəsini fərqli tərtibatda və geniş formatda yenidən işləyərək istifadəyə verilib.

    "Report"un Birjaya istinadən verdiyi xəbərə görə, BFB-nin tamamilə yenilənmiş internet saytının əsas yeniliklərindən biri BFB-də listinqdən keçmiş emitentlərin ilk elektron məlumat bazasının yaradılmasıdır. Belə ki, saytın istifadəçiləri emitentlər barədə məlumatları (emissiya prospekti, maliyyə hesabatlılığı, korporativ idarəetmə strukturu, korporativ hadisələr, emitentin birjada ticarət olunan qiymətli kağızları barədə məlumatlar) qısa yolla və operativ şəkildə əldə edəcəklər, bütün məlumatlar BFB-nin vahid elektron bazasında toplanacaq. Veb-saytda maarifləndirmə, listinq, korporativ idarəetmə və hesabatlılıq istiqamətlərinə geniş yer ayrılıb.

    Saytın yenilikləri arasında, həmçinin istiqrazların hesablanması üçün onlayn kalkulyatorun təqdim olunması, sayt vasitəsilə emitentlərin BFB-də listinqə onlayn müraciət edə bilmə imkanı və digər müxtəlif elektron xidmətlərin yaradılmasıdır. Yeni sayt geniş ictimaiyyət, o cümlədən emitentlər, investorlar, birja üzvləri, tələbələr üçün nəzərdə tutulub.

    "Ümumilikdə, BFB-nin saytının yeni versiyası daha interaktiv və dinamik olmaqla yanaşı, dizayn və funksionallıq baxımından bu sahədə tətbiq edilən qabaqcıl informasiya texnologiyaları həllərindən istifadə edilməklə hazırlanıb", - deyə məlumatda bildirilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi