Yuxarı
    Bağlamaq

    Azərbaycanda kredit faizləri aşağı düşüb

    Xarici valyutada əmanət və depozitlər üzrə orta faiz dərəcəsi isə 0,22 faiz bəndi azalaraq 3,88%-ə enib

    Bakı. 10 iyun. REPORT.AZ/ Bu ilin aprel ayında manat ekvivalentində əmanət və depozitlər üzrə orta faiz dərəcəsi mart ayı ilə müqayisədə 0,18 faiz bəndi artaraq illik 7,00% təşkil edib. Xarici valyutada əmanət və depozitlər üzrə orta faiz dərəcəsi isə 0,22 faiz bəndi azalaraq 3,88%-ə enib.

    Bu barədə "Report" Azərbaycan Mərkəzi Bankına istinadən xəbər verir.

    O cümlədən fiziki şəxslərin manatla əmanətləri üzrə orta faiz 0,23 faiz bəndi artaraq 11,04%, xarici valyutada əmanətlər üzrə orta faiz dərəcəsi 0,33% azalaraq 4,55% olub.

    Kommersiya bankları tərəfindən aprel ayında verilən kreditlər üzrə orta faiz dərəcələri manat və xarici valyuta ekvivalentində müvafiq olaraq illik 12,26% və 8,43% təşkil edib. 

    Xatırladaq ki, aprelin 1-nə bu göstəricilər manatda 12,31%, xarici valyutada isə 8,69% olub. 

    O cümlədən aprel ayında fiziki şəxslərə manatla verilən kreditlər üzrə orta faiz dərəcəsi 0,04 faiz bəndi azalaraq 15,76%, xarici valyuta ilə verilən kreditlər üzrə 0,32 faiz bəndi azalaraq mayın 1-nə 16,40% təşkil edib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi