Yuxarı
    Bağlamaq

    Azərbaycanda iyunda kənd təsərrüfatı istehsalı 6% ucuzlaşıb

    Ötən ay birillik və çoxillik bitkilərin istehsalçı qiymətləri müvafiq olaraq 14,8% və 0,1% enib

    Bakı. 17 iyul. REPORT.AZ/ Bu ilin iyun ayında Azərbaycanda kənd təsərrüfatı məhsullarının istehsalçı qiymətləri əvvəlki ayla müqayisədə 5,7%, o cümlədən birillik və çoxillik bitkilər üzrə müvafiq olaraq 14,8% və 0,1% enib. "Report"un Dövlət Statistika Komitəsinə istinadən verdiyi məlumata görə, diri heyvanlar və heyvandarlıq məhsullarının istehsalçı qiymətləri isə 0,3% bahalaşıb. Balıq və sair balıqçılıq məhsullarının istehsalçı qiymətləri 0,1% ucuzlaşıb.

    Birillik bitkilərdən buğda, arpa, baş kələm, xiyar, pomidor, süfrə çuğunduru, baş sarımsaq, kartof, baş soğan, quru otun istehsalçı qiyməti ucuzlaşıb, yoncanın istehsalçı qiyməti isə bahalaşıb.

    Çoxillik bitkilərdən albalı, alça, gilas, çiyələyin istehsalçı qiyməti ucuzlaşıb.

    Diri heyvanlar və heyvandarlıq məhsullarından qoyun və keçilərin qırxılmış yuyulmamış yunu, bal, mal, qoyun və donuz əti (diri çəkidə), süd, diri qoyun və keçilərin istehsalçı qiyməti ucuzlaşıb, diri ev quşları, quş əti (diri çəkidə), yumurtanın istehsalçı qiyməti isə bahalaşıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi