Yuxarı

Azərbaycanda iqtisadi artım 5,7%-ə yüksəlib

Ölkədə qeyri-neft sahələrinin ÜDM-də xüsusi çəkisi 66,9%-ə çatıb

Bakı. 15 iyul. REPORT.AZ/ Cari ilin birinci yarısında Azərbaycanda 26,3 mlrd. manatlıq və ya əvvəlki ilin eyni dövrü ilə müqayisədə 5,7% çox ümumi daxili məhsul istehsal olunub.

"Report"un Dövlət Statistika Komitəsinə istinadən verdiyi xəbərə görə, bu dövrdə iqtisadiyyatın qeyri-neft sahələrində yaradılmış ÜDM 9,2%, neft-qaz hasilatı və emalı sektorunda isə 1,3% artıb, qeyri-neft sahələrinin ÜDM-də xüsusi çəkisi 66,9%-ə çatıb.

ÜDM-in 54,1%-i iqtisadiyyatın istehsal sahələri, o cümlədən 36,0%-i sənaye, 12,5%-i tikinti, 5,6%-i kənd təsərrüfatı, meşə təsərrüfatı və balıqçılıq, 37,5%-i isə xidmət sahələrinin payına düşüb, məhsula və idxala xalis vergilər ÜDM-in 8,4%-ni təşkil edib.

Qeyd edək ki, Azərbaycanda fəaliyyət göstərən müəssisə, təşkilat və fiziki səxslər tərəfindən 2015-ci ilin yanvar-may aylarında 21,3 mlrd. manatlıq və ya ötən ilin müvafiq dövründəkindən 5,3% çox ümumi daxili məhsul istehsal edilib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi