Bakı. 30 iyul. REPORt.AZ/ Azərbaycanın istehlak bazarında qiymətlərin bahalaşması prosesi bu ildən əhalinin gəlirlərinin artması tempini üstələməyə başlayıb və bu fərq hər ay daha da genişlənir. "Report"un rəsmi statistikaya istinadən verdiyi xəbərə görə, yanvar-iyun aylarında illik inflyasiya əhalinin gəlirlərinin artmasını 2,1 faiz bəndi, adambaşına gəlirləri isə 3,4 faiz bəndi üstələyib.
Belə ki, 2016-cı ilin birinci yarısında ölkə əhalisinin gəlirləri əvvəlki ilin eyni dövrü ilə müqayisədə nominal ifadədə 8,4% artaraq 21 493,9 mln. manata çatıb. Əhalinin hər nəfərinə düşən gəlirlər orta hesabla 2 236,5 manat və ya ayda 372,8 manat təşkil edib. İyun ayında istehlak məhsullarının və xidmətlərin qiymətləri may ayına nisbətən 0,5% ucuzlaşıb, yanvar-iyun aylarında əvvəlki ilin müvafiq dövrünə nisbətən isə 10,5% bahalaşıb.
Tarix | İllik inflyasiya, % | Əhalinin gəlirlərinin artımı, % | Adambaşına gəlirin artımı, % | İnflyasiya ilə gəlirin artımı arasında fərq, faiz bəndi | İnflyasiya ilə adambaşına gəlirin artımı arasında fərq, faiz bəndi |
2016-cı il | |||||
Yanvar-iyun | 10,5 | 8,4 | 7,1 | 2,1 | 3,4 |
Yanvar-may | 10,4 | 8,3 | 7,0 | 2,1 | 3,4 |
Yanvar-aprel | 10,5 | 9,0 | 7,7 | 1,5 | 2,8 |
Yanvar-mart | 10,8 | 9,0 | 7,7 | 1,8 | 3,1 |
Yanvar-fevral | 11,7 | 10,2 | 9,0 | 1,5 | 2,7 |
Yanvar | 13,6 | 12,1 | 10,8 | 1,5 | 2,8 |
2015-ci il | |||||
Yanvar-dekabr | 4 | 5,7 | 4,5 | -1,7 | -0,5 |
Yanvar-noyabr | 3,7 | 5,7 | 4,4 | -2 | -0,7 |
Yanvar-oktyabr | 3,7 | 5,7 | 4,4 | -2 | -0,7 |
Yanvar-sentyabr | 3,7 | 5,8 | 4,5 | -2,1 | -0,8 |
Yanvar-avqust | 3,8 | 5,9 | 4,6 | -2,1 | -0,8 |
yanvar-iyul, | 3,7 | 6,4 | 5,1 | -2,7 | -1,4 |
Yanvar-iyun | 3,5 | 6,2 | 4,9 | -2,7 | -1,4 |
Yanvar-may | 3,4 | 5,8 | 4,5 | -2,4 | -1,1 |
Yanvar-aprel | 3,1 | 5,7 | 4,4 | -2,6 | -1,3 |
Yanvar-mart | 2,8 | 5,3 | 4,0 | -2,5 | -1,2 |
Yanvar-fevral | 2,0 | 5,0 | 3,7 | -3,0 | -1,7 |
Yanvar | 0,2 | 5,5 | 4,2 | -5,3 | -4,0 |