Yuxarı

Azərbaycanda hər il nizamnamə kapitalı artırılan bəzi dövlət şirkətlərinin özəlləşdirilməsi tövsiyə olunur

Dinlə

Bakı. 1 iyun. REPORT.AZ/ Hər il nizamnamə kapitalı artırılan bəzi dövlət şirkətlərinin özəlləşdirilməsinin nəzərdən keçirilməsi və ilkin ictimai yerləşdirmə (IPO) vasitəsilə kapitalın müəyyən hissəsinin özəl şirkətlərə satılması tövsiyə olunur.

“Report” xəbər verir ki, bu təkliflə Hesablama Palatası çıxış edib. 

“Dövlət investisiyalarından səmərəli istifadə etmək, həmçinin kapital bazarlarının inkişafı məqsədi ilə dövlət əsaslı vəsait qoyuluşu hesabına hər il nizamnamə kapitalı artırılan bəzi dövlət şirkətlərinin özəlləşdirilməsinin nəzərdən keçirilməsini və ilkin ictimai yerləşdirmə (IPO) vasitəsilə kapitalın müəyyən hissəsinin özəl şirkətlər satılması və yeni vəsaitlərin cəlb edilməsini tövsiyyə edirik, ”- qurumun təklifində qeyd olunub. 

Palatanın digər tövsiyəsi isə Dövlət İnvestisiya Proqramının (DİP) tərtibi sisteminin yenidən nəzərdən keçirilməsini və ölkənin spesifik əhəmiyyətli sahələrinin növbəti illərin DİP-lərdə nəzərə alınmasını nəzərdə tutur.

Bundan əlavə, qeyri-neft sektorunun davamlı inkişafının təmin edilməsi üçün Azərbaycan Dövlət Neft Fondunun sosial təyinatlı layihələrin maliyyələşdirilməsinə üstünlük verməsi və qeyri-neft sənaye müəssisələrinin yaradılmasına investisiya yönəldilməsinin nəzərdən keçirilməsi tövsiyə olunur. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi