Yuxarı
    Bağlamaq

    Azərbaycanda ən bahalı kreditlər cənub bölgəsində verilir

    Kreditlərin ən yüksək faiz dərəcəsi Lənkəran, an aşağısı isə Gəncə-Qazax iqtisadi rayonlarındadır

    Bakı. 25 iyun. REPORT.AZ/ Azərbaycanda kreditlər ən yüksək faizlə Lənkəran, ən aşağı faizlə isə Gəncə-Qazax iqtisadi rayonunda verilir. Cari il mayın 1-nə Lənkəranda kreditlər üzrə orta faiz dərəcəsi illik 23,9%, Gəncə-Qazax iqtisadi rayonunda isə illik 9,8% təşkil edib.

    "Report"un Mərkəzi Banka istinadən verdiyi xəbərə görə, Bakı şəhərində isə bu göstərici 12,2% səviyyəsində olub.

    Ümumiyyətlə, ölkə iqtisadiyyatına kredit qoyuluşu illik müqayisədə 26,8% artaraq 2015-ci il mayın 1-nə 20,596 mlrd. manata çatıb. Bu kreditlərin 6,1%-nin və ya 1,257 mlrd. manatının ödəniş vaxtı keçib ki, bu da problemli kreditlərin həcminin 40,3%, xüsusi çəkisinin isə 0,6 faiz bəndi artması deməkdir.

    Hesabata əsasən, bu ilin mayın 1-nə kredit qoyuluşunun həcmi Gəncə-Qazax iqtisadi rayonunda 756,0 mln. manat, Lənkəran iqtisadi rayonunda 307,7 mln. manat, Bakı şəhəri üzrə 1  716,5 mln. manat təşkil edib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi