Bakı. 23 dekabr. REPORT.AZ/ Bu ilin yanvar-noyabr aylarında Azərbaycanda əhaliyə göstərilən pullu xidmətlərin ümumi həcmi 6 059,6 mln. manat olub. "Report"un Dövlət Statistika Komitəsinə istinadən verdiyi xəbərə görə, bu, ötən ilin eyni dövrü ilə müqayisədə 391,7 mln. manat və ya 6,9% çoxdur.
Əhaliyə göstərilən pullu xidmətlərin istehlak bazarında ümumi çəkisi 26,3% olub ki, digər 73,7%-i pərakəndə ticarət dövriyyəsi təşkil edib.