Azərbaycanda ƏDV-nin differensiallaşdırılması təklif olunur

Bakı. 13 aprel. REPORT.AZ/ Azərbaycanda əlavə dəyər vergisinin 18% səviyyəsində müəyyən edilmiş dərəcəsinin differensiallaşdırılmasının həyata keçirilməsi məqsədəmüvafiq hesab olunur.

"Report"un verdiyi xəbərə görə, bu barədə Hesablama Palatası tərəfindən 2016-cı ildə Nazirlər Kabinetinə təqdim edilmiş təkliflərdə bildirilib.

"Qeyri-neft (qeyri-xammal) sektorunun daha da şaxələndirilməsi və daxili istehsal hesabına inkişafının sürətləndirilməsi, idxaldan asılılığın minimum səviyyəyə endirilməsi, istehlakın daima stimullaşdırılması, əhalinin aztəminatlı təbəqələrinin sosial müdafiəsinin daha da gücləndirilməsi kimi hədəflərə nail olunması istiqamətində görülən tədbirlərə əlavə dəstək kimi Vergi Məcəlləsinin 173.1-ci maddəsi ilə ƏDV-nin 18% səviyyəsində müəyyən edilmiş dərəcəsinin differensiallaşdırılmasının da həyata keçirilməsi məqsədəmüvafiq hesab olunur", - deyə sənəddə qeyd olunub.