Yuxarı

Azərbaycanda dövlət zəmanətilə sahibkarlara verilən kreditlərin məbləği 25 milyon manata yaxınlaşıb

Sahibkarlara dövlət zəmanəti ilə nə qədər kredit verilib?

İpoteka və Kredit Zəmanət Fondu sahibkarlıq kreditlərinə zəmanətlərin və subsidiyaların verilməsi ilə bağlı bu günə qədər 13 müvəkkil bankla müvafiq müqavilələr bağlayıb, sahibkarların maliyyə resurslarına çıxış imkanlarının effektiv və yüksək səviyyədə təmin edilməsi üzrə prioritetlərin reallaşdırılması məqsədilə ölkədə fəaliyyət göstərən kommersiya banklarını özünün zəmanət və subsidiya alətlərindən istifadəyə cəlb olunmasına təşviq etmək üçün müvafiq tədbirlər həyata keçirib.

“Report” xəbər verir ki, bu barədə Fondun açıqlamasında bildirilir.

“Nəticədə Fondun zəmanəti ilə müvəkkil kredit təşkilatları tərəfindən bu günə qədər 24,7 milyon manat məbləğində sahibkarlıq kreditləri verilib. Bu kreditlər üzrə hesablanmış subsidiyanın məbləği isə 3,7 milyon manata çatıb.

Kredit zəmanət mexanizmi çərçivəsində sahibkarların, xüsusilə də kiçik və orta sahibkarların maliyyə mənbələrinə çıxış imkanlarının genişləndirilməsi, onların dövlət dəstəyi ilə daha geniş əhatə olunmasını təmin etmək üçün hazırda maliyyə məhsullarının sahibkarların ehtiyaclarına uyğunlaşdırılması istiqamətində müvafiq araşdırmalar və təhlillər aparılır. Yaxın gələcəkdə mexanizmin tətbiqi ilə bağlı görülən işlərin genişləndirilməsi, digər maliyyə məhsulları ilə yanaşı, sahibkarların idxal-ixrac əməliyyatları üzrə gömrük rüsumları və ödənişlərinin aparılmasına da maliyyə dəstəyinin göstərilməsi nəzərdə tutulur”, - məlumatda qeyd olunub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi