Ötən ilin 11 ayında Azərbaycanda dövlət xətti ilə 231 mln. manatdan çox ipoteka krediti verilib

Bakı. 3 yanvar. REPORT.AZ/ Ötən ilin yanvar-noyabr aylarında Azərbaycan bankları İpoteka və Kredit Zəmanət Fondunun xətti ilə 231,2 mln. manat kredit verib.

“Report” Azərbaycan Mərkəzi Bankına istinadən xəbər verir ki, bu, əvvəlki ilin eyni dövrü ilə müqayisədə 34,1% çoxdur.

Hesabat dövründə İpoteka və Kredit Zəmanət Fonduna dövlət büdcəsindən illik müqayisədə 2,2 dəfə çox - 100 mln. manat vəsait ayrılıb. Fond özü isə 200 mln. manatlıq istiqraz buraxıb ki, bu da illik müqayisədə 20% azdır.