Yuxarı

Azərbaycanda dövlət istiqrazları ilə bağlı hərracda tələb təklifdən 3 dəfə az olub

Hərracın yekununda bağlanılmış əqdlərin orta ölçülmüş qiyməti 92,1575 manat olub

Bakı. 18 oktyabr. REPORT.AZ/ Bu gün "Bakı Fond Birjası" QSC-də (BFB) Maliyyə Nazirliyinin AZN nominallı, AZ0102017511 ISIN kodlu, 182 gün tədavül müddətli, 20 mln. manatlıq qısamüddətli dövlət istiqrazlarının yerləşdirilməsi üzrə hərrac keçirilib. 

BFB-dən "Report"a verilən məlumata görə, hərraca 4 investor 8 sifariş təqdim edib.

Sifarişlərin nominal üzrə ümumi məbləği 7 136 200 manat təşkil edib. Sifarişlər 91,3000 AZN (19,2159%)-93,3000 AZN (14,4812%) qiymət intervalında təqdim edilib. Hərracın yekununda bağlanılmış əqdlərin minimal qiyməti 91,3 manat (19,2159%), ortaölçülmüş qiyməti 92,1575 manat (17,1608%) olub.

Bağlanılmış əqdlər üzrə hesablaşmalar 19.10.2016 (T+1) tarixində həyata keçiriləcək. İstiqrazların nominal qiymət üzrə reallaşdırılmış həcmi 7 136 200 AZN təşkil edib. İstiqrazların ödəmə tarixi 18 aprel 2017-ci ildir. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi