Yuxarı
    Bağlamaq

    Azərbaycanda dollarlaşma dərəcəsi azalmağa davam edir

    Xarici valyutada əmanətlər 75%-dən aşağı düşüb

    Bakı. 14 iyul . REPORT.AZ/ Azərbaycan əhalisinin bank əmanətləri üzrə dollarlaşma dərəcəsi 2017-ci il iyunun 1-nə 74,52% təşkil edib. Ötən ay bu göstərici 76,6%, yanvarın 1-nə 79,63%, keçən ilin analoji dövründə isə 80,87% təşkil edib.

    "Report"un Mərkəzi Banka istinadən verdiyi xəbərə görə, cəmi depozit bazasında dollarlaşma dərəcəsi iyun ayının 1-nə 75,2% olub. Keçən ay bu göstərici 74,85%, bu il yanvarın 1-nə 75,29%, 2016-cı ilin analoji dövründə isə 80,77% təşkil edib.

    Kreditlərin strukturunda isə 2017-ci il iyunun 1-nə dollarlaşma dərəcəsi 45,75%, yanvarın 1-nə 47,32%, ötən il iyunun 1-nə 46,82%-ə bərabər olub. Cari ilin mayın 1-nə isə kreditlərin strukturunda dollarlaşma dərəcəsi 48% təşkil edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi