​Azərbaycanda daha bir lizinq şirkəti maliyyələşdirməni dayandırıb

Bakı. 4 avqust. REPORT.AZ/ "Parex Leasing and Factoring" MMC lizinq xidmətinə fasilə verib.

Bu barədə "Report"a şirkətdən məlumat verilib.

"Maliyyələşdirmənin dayandırılması təsisçinin qərarıdır və səbəbi barədə açıqlama verə bilmərik. Yəqin ki, nə vaxtsa xidmətimizi bərpa edəcəyik", - deyə "Parex Leasing and Factoring"dən bildirilib.

Xatırladaq ki, adı çəkilən şirkət Azərbaycanda 2005-ci ildə yaradılıb. Onun nizamnamə kapitalı 3 mln. ABŞ dollarıdır. "Parex Leasing and Factoring" 100% Latviya vətəndaşı olan İqor Osipenkoya məxsusdur.