Azərbaycanda daha 2 şirkətin səhmləri ticarətə buraxılır

Bakı. 28 mart. REPORT.AZ/ “Bakı Fond Birjası”nın (BFB) Listinq Komitəsinin qərarı ilə daha 2 şirkətin qiymətli kağızları Birjanın alternativ bazar seqmentində listinqə daxil edilib.

“Report” BFB-yə istinadən xəbər verir ki, bunlar “Ağsu Sənaye İnşaat” və “Yevlax-Sərnişin” ASC-lərdir.

Adı çəkilən şirkətlərin səhmlərinin ticarətinə sabahdan başlanılacaq. Onların dövriyyədə olan qiymətli kağızlarının sayı, müvafiq olaraq, 34 770 və 93 210, hər birinin nominal dəyəri isə 2 manatdır.