Yuxarı

Azərbaycanda büdcə kəsirinin həcmi 10% azalıb

Büdcə kəsirinin ÜDM-ə nisbəti isə 0,9 faiz bəndi azalıb

Bakı. 16 sentyabr. REPORT.AZ/ Cari ilin yanvar-avqust aylarında Azərbaycanın dövlət büdcəsinə 8 281,5 mln. manat vəsait daxil olub, büdcədən 9 348,5 mln. manat vəsait xərclənib. "Report"un Maliyyə Nazirliyinə istinadən verdiyi xəbərə görə, büdcənin icrasında yaranmış 1 067,0 mln. manatlıq kəsir ümumi daxili məhsulun 2,8%-i səviyyəsində olub.

Qeyd edək ki, bu ilin yanvar-iyul aylarında dövlət büdcəsinin gəlirləri 7 007,5 mln. manat, xərcləri 8 193,5 mln. manat təşkil edib. Büdcənin icrasında 1 186,0 mln. manatlıq və ya ÜDM-in 3,7%-i qədər kəsir yaranıb. Bununla da büdcə kəsirinin həcmi aylıq müqayisədə 10%, ÜDM-ə nisbəti isə 0,9 faiz bəndi azalıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi