Azərbaycanda bəzi kommersiya bankları valyuta satışını dayandırıb - MONİTORİNQ

8 Yanvar , 2016 13:32

Bakı. 8 yanvar. REPORT.AZ/ Azərbaycanda fəaliyyət göstərən bankların əksəriyyəti nağd xarici valyuta - dollar və avronun satışını dayandırıb. Hətta bəzilərində proses alış əməliyyatları da məhdudlaşdırılıb.

"Report"un verdiyi xəbərə görə, bankların rəsmi veb-saytlarında onların valyuta mübadiləsi üzrə məzənnələri qeyd olunsa da, əksər filial və baş ofislərdə proses dayandırılıb. Bir sıra banklar baş ofisdə satışı dayandırsa da, bəzi valyutadəyişmə məntəqələri və filiallarında proses məhdud sayda da olsa həyata keçirilir. Bildirək ki, bir neçə bankda səhər saatlarında valyuta satışı həyata keçirilsə də, hazırda bu, mümkün deyil.

Banklar bunun mövcud durumla bağlı olduğunu bildirir. Satışın nə vaxt bərpa olunacağı barədə isə hələlik heç bir məlumat verilmir.

Satış həyata keçirilən banklarda isə məbləğ məhdudiyyəti tətbiq olunur. Belə ki, "BTB Bank" ASC-dən bildirilib ki, hazırda satış olsa da, bu məblığ 500 dollarla məhdudlaşdırılıb. Analoji limit "Azer-Turk Bank"da mövcuddur.

"Unibank"dan isə bildirilib ki, hazırda kredit ödənişləri və pul köçürmələri məqsədləri üçün nağdsız dollar satışı davam edir: "Bundan kənar satışlar isə dolların məzənnəsindəki qeyri-sabitlik səbəbindən müvəqqəti dayandırılıb. Bank rəhbərliyinin qərarı ilə nahardan sonra dolların satışı bərpa ediləcək".

"Zaminbank"ın baş ofisində satış dayandırıldığı, məntəqlərdə isə davam etdirildiyi deyilsə də, əksər məntəqələrdə hazırda dolların olmadığı qeyd olunub:

Aşağıdakı cədvəldə Bakı şəhərində bəzi banklar üzrə xarici valyutanın alış-satış məzənnələri (saat 13:00-a) əks olunub:

	Bank	AZN/USD		AZN/EUR		AZN/RUB
		Alış	Satış	Alış	Satış	Alış	Satış
1	AGBank	1,5500	1,7500	1,6670	1,7800
2	Amrahbank	1,5600	1,7000*	1,6700	1,8400*	0,0190	0,0220
3	BTB Bank	1,5900	1,7900	1,6594	1,8586	0,0200	0,0222
4	Silk Way Bank	1,5600	1,5600*	1,6800	1,6800*	0,02049	0,02130
5	Bank VTB Azerbaijan	1,5500	1,8000	1,6670	1,7340	0,0150	0,0216
6	AFB Bank	1,5600*	1,7000*	1,6600*	1,8405*	-	-
7	Demirbank	1,5600	1,7800	1,6700	1,9000	-	-
8	Dekabank	1,6000	1,6600*	1,6700	1,8000*	0,0200	0,0250
9	Kapital Bank	1,5569	1,7500	1,6831	1,9100	-	-
10	Atabank	1,5600*	1,7050*	1,6700*	1,7050*	0,0195	0,0219
11	Unibank	1,5642	1,7500*	1,7009	1,8509*	0,0189	0,0210
12	YapiKredi Bank Azerbaijan	1,4547	1,7050*	1,5878	1,8540*	-	-
13	Zaminbank	1,7200	1,8200	1,8200	1,9700	-	-
14	Access Bank	1,5590	1,6600*	1,6580	1,7750*	-	-
15	Turanbank	1,6000	1,7500*	1,6500	1,7500*	-	-
16	Bank of Baku	1,5900	1,6800*	1,6670	1,7340*	0,0205	0,0213
17	Azer-Türk Bank	1,5640	1,6560	1,6805	1,9400*	-	-
18	Bank Respublika	1,5600	1,6950*	1,6500	1,7750*	0,0200	-
19	Rabitabank	1,5700	1,7500*	1,6669	1,8500	0,0196	0,0213
20	Expressbank	1,5641	1,5955*	1,6950	1,7350*	-	-

* Bu valyutalar üzrə banklar satışı dayandırıb və qeyd olunan məzənnə yalnız valyutada verilən kreditlər üzrə ödənişlərin hesablanması üçün istifadə olunur.