Azərbaycanda bankdan BOKT-a transfer olub

Bakı. 10 sentyabr. REPORT.AZ/ Ləğv prosesində olan “Zaminbank” ASC-nin İdarə Heyətinin sədr müavini Orxan Quliyev “PSG Finans” MMC bank olmayan kredit təşkilatının (BOKT) direktor müavini təyin edilib.

“Report” xəbər verir ki, o, bu vəzifədə Vüqar Mirzəyevi əvəz edib.

Xatırladaq ki, “PSG Finans” 2013-cü ildə yaradılıb. Onun nizamnamə kapitalı 1,7 mln. manatdır. BOKT “PSG” Şirkətlər Qrupuna daxildir. Bu holdinqdə “PSG-Kapital İnvestisiya Şirkəti” QSC də təmsil olunur.