Yuxarı

​Azərbaycanda bank müştərilərinin sayı 5,4 mln. nəfərə çatıb

Bank müştərilərinin sayı bu il 4% artıb

Bakı. 8 iyul. REPORT.AZ/ Azərbaycanda bank müştərilərinin ümumi sayı ilin əvvəlindən 3,9%, illik müqayisədə isə 15,2% artaraq 2015-ci il iyunun 1-nə 5 mln. 348 min 165 nəfərə çatıb.

"Report"un Mərkəzi Banka istinadən verdiyi xəbərə görə, müştərilərin 5,2 mln. nəfəri fiziki şəxslər, o cümlədən 173,1 mini sahibkarlıqla məşğul olanlar, 1,1 mln. nəfəri isə hüquqi şəxslərdir. Bildirək ki, ölkədə bank müştərilərinin sayında ən yüksək göstərici - 5 mln. 356 min 242 nəfər - ötən ilin dekabrın 1-də qeydə alınıb.

Hesabata əsasən, müştəri hesablarının sayında da artım müşahidə olunub. Müştəri hesabları ilin əvvəlindən 6,9%, illik isə 29,1% artaraq bu ilin iyunun 1-nə 14 mln. 948 min 439 ədəd təşkil edib. Bunun da 11,4 mln. ədədi cari, 3,1 mln. ədədi kredit, 425,2 mini depozit hesablarıdır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi