Yuxarı

Azərbaycanda avronun məzənnəsi rekord həddə çatıb

Azərbaycanda avronun məzənnəsi rekord həddə çatıb 880
Avronun məzənnəsi qlobal valyuta bazarında 37 aylıq maksimumuna yüksəlib

Bakı. 15 yanvar. REPORT.AZ/ Azərbaycanda avronun rəsmi məzənnəsi tarixi rekord həddə çatıb və bu gün 2,0761 AZN/EUR təşkil edib.

"Report" xəbər verir ki, 2015-ci il fevralın 21-də Azərbaycanda baş verən milli valyutanın ilk devalvasiyasından sonra avronun rəsmi məzənnəsinin maksimal göstəricisi 2017-ci il fevralın 1-də (2,0719 AZN/EUR) qeydə alınıb. İlk devalvasiyadan indiyədək ən minimal məzənnə isə 2015-ci il martın 16-da (1,1019 AZN/EUR) olub. Hazırda avronun məzənnəsi maksimal həddən 0,2% yuxarıdır. 

Avronun manatın denominasiyasından (01.01.2006-cı il) sonra ən minimal rəsmi məzənnəsi isə 2015-ci il yanvarın 26-da 0,8770 AZN/EUR səviyyəsində qeydə alınıb.

"Report" xəbər verir ki, Azərbaycanda Avropa valyutasının bahalaşmasına səbəb avronun qlobal valyuta bazarında mövqeyinin möhkəmlənməsi amili olub. Belə ki, əsas valyuta cütlüyü sayılan USD/EUR son 37 ayın maksimal səviyyəsinə yüksələrək 1,2225 təşkil edib. Buna səbəb Avropa Mərkəzi Bankının (ECB) monetar siyasətinin sərtləşdirməyə başlayacağı ehtimallarının artması amili göstərilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi