Azərbaycanda 2 sığorta şirkətinin təkrarsığorta lisenziyaları ləğv edilib

Bakı. 18 oktyabr. REPORT.AZ/ Maliyyə Bazarlarına Nəzarət Palatasının (Palata) İdarə Heyətinin qərarı ilə “Azərbaycan Sənaye Sığorta” və “İpək Yolu Sığorta” ASC-lərin təkrarsığorta lisenziyaları ləğv edilib. 

“Report” Palataya istinadən xəbər verir ki, bu qərar şirkətlərin öz müraciətləri əsasında qəbul olunub.

Bundan başqa, tənzimləyici qurum 13 nəfərin sığorta agentinin lisenziyasını ləğv edib. Bunlardan 5-nin lisenziyası öz müraciətləri əsasında, 8-nin lisenziyası isə rüblük hesabatları vaxtında təqdim etmədikləri üçün ləğv edilib. Həmin şəxslərin lisenziyasının 3 ay bundan əvəl dayandırıldığı bildirilir.

Bundan başqa, Palata 8 nəfərə sığorta agenti lisenziyası verib. 

Sığorta fəaliyyətinə dair lisenziyaları ləğv olunmuş və yeni lisenziyalar almış sığorta şirkətlərinin və sığorta agentlərin siyahısı təqdim olunur.