Yuxarı
    Bağlamaq

    Azərbaycan xarici ölkələrin yük avtomobillərini yol vergisindən azad edib

    Qərar bu ilin iyunun 1-dən qüvvəyə minəcək

    Bakı. 27 may. REPORT.AZ/ Azərbaycan ərazisindən keçən xarici dövlətlərin yük avtomobilləri, qoşqulu və yarımqoşqulu avtonəqliyyat vasitələri 2016-cı il iyunun 1-dən etibarən 3 il müddətinə yol vergisindən azad ediləcək. “Report” xəbər verir ki, bu, Vergi Məcəlləsində edilən son dəyişikliklərdə nəzərdə tutulub.

    Qanuna görə, dəmir yolu ilə nəql edilən yüklər Azərbaycan ərazisindəki müvafiq icra hakimiyyəti orqanının müəyyən etdiyi son dəmiryolu stansiyasında xarici dövlətlərin yük avtomobillərinə, qoşqulu və yarımqoşqulu avtonəqliyyat vasitələrinə aşırılaraq ən yaxın gömrük sərhəd buraxılış məntəqəsindən keçirilməklə digər dövlətə daşındıqda yol vergisi ödənilmir.

    Həmçinin, xarici dövlətlərin yük avtomobilləri, qoşqulu və yarımqoşqulu avtonəqliyyat vasitələri ilə yüklər digər dövlətin ərazisindən Azərbaycan ərazisindəki müvafiq icra hakimiyyəti orqanının müəyyən etdiyi ilk dəmir yolu stansiyasına ən yaxın gömrük sərhəd buraxılış məntəqəsindən keçirilməklə daşındıqda yol vergisindən azad edilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi