Bakı. 20 sentyabr. REPORT.AZ/ Bu ilin yanvar-avqust aylarında Azərbaycanda toplanmış sığorta haqlarının 63,6%-i və yaxud 226,6 mln. manatı könüllü sığorta növlərinin payına düşüb.
Bu barədə "Report"a Maliyyə Bazarlarına Nəzarət Palatasından (MBNP) məlumat verilib.
Məlumata görə, bu 2015-ci ilin eyni dövrü ilə müqayisədə 16,8% çoxdur.
İcbari sığorta növlərində yığım isə 129,6 mln. manat və yaxud bazarın 36,4%-ni təşkil edib. 2015-ci ilin eyni dövrünə nisbətən Azərbaycanın icbari sığorta bazarı 9,1% böyüyüb.
Ümumi ödənişin 73%-i və yaxud 100,2 mln. manatı könüllü sığorta növlərinin payına düşüb. Könüllü sığortada ödəniş ötən ilin müvafiq dövrü ilə müqayisədə 14,5% artıb.
İcbari sığorta növləri üzrə ödəniş isə 36,6 mln. manat və yaxud ümumi bazarın 26,8%-ni təşkil edib. Bu da ötən ilin eyni dövrünə nisbətən 27,6% çoxdur.
Hesabat dövründə könüllü sığortadan toplanmış hər 100 manat sığorta haqqının 44 manatı ödəniş edilib. Bu rəqəm 2015-ci ilin yanvar ayında 45,1 manat olub. İcbari sığortadan toplanmış hər 100 manat üzrə ödəniş isə 24,1 manatdan 28,2 manata qalxıb.