Azərbaycan parlamenti 2018-ci ilin dövlət büdcəsini təsdiq edib

Bakı. 1 dekabr. REPORT.AZ/ Milli Məclis "2018-ci il dövlət büdcəsi haqqında" qanun layihəsini təsdiqləyib. 

"Report" xəbər verir ki, büdcənin gəlirləri ilkin proqnozla müqayisədə dəyişdirilməyərək 20,127 mlrd. manat, xərcləri isə ilkin proqnozla müqayisədə 141,3 mln. artırılaraq 21, 047 mlrd. manat məbləğində təsdiq olunub. 

Son nəticədə büdcə kəsri ilkin proqnozla müqayisədə 141,3 mln. manat artırılaraq  920 mln. manata çatdırılıb. Bu, ölkə üzrə ümumi daxili məhsulun 1,3%-i qədər olacaq.