Yuxarı

​Azərbaycan parlamenti 2015-ci il büdcə zərfinin ilkin müzakirəsini başa çatdırıb

Hökumət deputatların təkliflərinə noyabrın 28-də cavab verəcək

Bakı. 20 noyabr. REPORT.AZ/ Azərbaycan Milli Məclisində 2015-ci ilin büdcə zərfinə daxil olan layihə sənədlərinin ilkin müzakirəsi başa çatıb.

"Report" xəbər verir ki, nəticədə büdcə zərfinin üçgünlük müzakirəsi zamanı səslənən təkliflər baxılması üçün hökumətə göndərilib.

Büdcə zərfinə “Azərbaycan Respublikasının 2015-ci il dövlət büdcəsi haqqında”, “Azərbaycan Respublikası Dövlət Sosial Müdafiə Fondunun 2015-ci il büdcəsi haqqında”, “Azərbaycan Respublikasında 2015-ci il üçün yaşayış minimumu haqqında”, “Azərbaycan Respublikasında 2015-ci il üçün ehtiyac meyarının həddi haqqında”, “Azərbaycan Respublikası Milli Məclisinin 2015-ci il üçün xərclər smetası haqqında” və “Azərbaycan Respublikası Hesablama Palatasının 2015-ci il üçün xərclər smetası haqqında” qanun layihələri daxildir.

Qeyd edək ki, hökumət deputatların təkliflərinə parlamentin noyabrın 28-də keçiriləcək plenar iclasında cavab verəcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi