Yuxarı

Azərbaycan ​Mərkəzi Bankına kommersiya kreditlərini ucuzlaşdırmaq tapşırılıb

Ölkə prezidentinin fərmanına əsasən, kommersiya banklarının faiz dərəcələri ilə uçot dərəcəsi arasında fərq azaldılmalıdır

Bakı 23 dekabr. REPORT.AZ/ Azərbaycan Mərkəzi Bankı (AMB) 2015-ci ildə ölkədə fəaliyyət göstərən kommersiya banklarının kreditləri üzrə faiz dərəcələrinin aşağı salınması, həmin dərəcələrlə uçot dərəcəsi arasında fərqin azaldılması istiqamətində əməli tədbirlər görməlidir. “Report”un verdiyi xəbərə görə, bu barədə Azərbaycan prezidentinin “Azərbaycan Respublikasının 2015-ci il dövlət büdcəsi haqqında” qanunun tətbiqi barədə fərmanında bildirilir. 

Sənəddə deyilir ki, AMB görülən işlər barədə altı aydan bir dövlət başçısına məlumat verilməlidir.

Xatırladaq ki, AMB-nin uçot dərəcəsi hazırda 3,5% təşkil edir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi