Yuxarı

​Azərbaycan "Green Card"ı Rusiya üçün dondurub

Azərbaycanın da eyni kartları Rusiyada etibarsız sayılır

Bakı. 11 yanvar. REPORT.AZ/ Azərbaycan tərəfi yanvarın 1-dən Rusiya sürücüləri üçün tətbiq edilməli olan “Green Card” sığortasını təxirə salıb. “Report” xəbər verir ki, bu barədə Rusiya Avtomobil Sığortaçıları Birliyi məlumat yayıb. 

Məlumata görə, bu, “Green Card” sisteminin qaydalarına uyğun olaraq Rusiya Avtosığortaçıları və Azərbaycanın İcbari Sığorta Bürosu arasında ikitərəfli sazişin imzalanmaması ilə əlaqədardır.

Buna görə də Rusiyanın "Green Card"ları bu il yanvarın 1-dən Azərbaycan ərazisində qüvvədə olmayacaq və giriş köhnə qaydalar üzrə həyata keçiriləcək. Lakin həmin kartlar “Green Card” sisteminə qoşulmuş digər ölkələrdə qüvvədə olacaq. 

Həmçinin, Azərbaycanın da eyni kartları Rusiya ərazisində etibarsız sayılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi