Bakı. 12 mart. REPORT.AZ/ Qiymətli Kağızlar üzrə Dövlət Komitəsi "Azərbaycan Beynəlxalq Bankı" ASC-nin adi adlı sənədli səhmlərinin emissiya prospektini dövlət qeydiyyatına alıb.
"Report"un Komitəyə istinadən verdiyi xəbərə görə, emissiyanın həcmi 100 000 000,17 manat təşkil edir. Belə ki, bank kütləvi təklif üsulu ilə yerləşdirməyi planlaşdırdığı 370 370 371 ədəd səhmlərinin hər birinin nominal dəyəri 0,27 manatdır.
Bildirək ki, yerləşdirmə nəticəsində ABB-nin nizamnamə kapitalı 16,9% artaraq 690 192 320,17 manata çatdırılacaq.